迪士尼夏日優惠 549元入園兩次

【明報專訊】暑假就到，今年將邁向10周年嘅香港迪士尼樂園度假區為感謝顧客支持，宣布即日起至6月30日，推出「『夏』雪狂熱 享盡食買玩優惠」，香港居民可以549蚊喺指定時間入樂園玩兩次，即係平均274.5蚊一次，比起家499蚊一日標準門票平差唔多一半，仲可享樂園餐飲同購物九折優惠。


優惠只供香港身分證持有人享用，購票者第一次入樂園要喺6月8日至7月16日期間任何一日，第二次就要喺8月31日至9月30日期間，成人門票549蚊，小童390蚊，長者就110蚊，全部可享同一優惠。門票即日起至6月30日喺迪士尼官方網站專頁（http://www.hongkongdisneyland.com/play-shop-dine）有售。迪士尼本身亦設有680蚊嘅兩日票，但就要喺7日內任何兩日入樂園。