fb現冒牌「民主思路」

【明報專訊】公民黨湯家驊（Ronny）牽頭成立嘅智庫「民主思路」噚日開記者會正式向市民介紹。說時遲那時快，記招開完無耐，就已經有人發現facebook出現冒認「民主思路」嘅專頁。個假專頁做得相當唔專業，唔單止將「Ronny Tong」 變成「Ronnie Tong」，連「民主思路」嘅官方網址都寫錯。家「民主思路」只有一個官方網站，未有開設任何facebook專頁。


「民主思路」以一個紫色圖案做標誌，Ronny笑言紫色象徵勇氣，話其他顏色都畀人用晒。Emily記得公民黨黨徽有一半顏色都係紫色㗎。


智庫總幹事由學者袁彌昌擔任，亦即係人民力量主席袁彌明嘅哥哥。袁彌昌話喺屋企唔會同阿妹論政，又話好多謝阿妹仍然視佢為民主派人士。