新聞類別
副刊
詳情#
【明報專訊】有市民前日下午由機場博覽館搭城巴E22X嘅時候，見到上層巴士中間有成排木柱，木柱仲要寫住「請收回 下次用」，有人告知車長，車長先喺小蠔灣港鐵車廠附近停埋一邊，上去上層一睇，先發現呢啲木柱，原來架車係維修緊嘅巴士，唔應該載客，結果車長要請乘客轉搭另一架巴士走。估唔到維修緊嘅巴士都可以載客，好在冇發生事故啫。
城巴發言人同Emily講，涉事巴士型號係亞歷山大丹尼士E58MMC 12米雙層巴士，車齡1年，嗰啲木柱係保養車身時用嘅木方，巴士本來放喺車廠，但有車長誤將巴士駛咗去巴士站，結果就有呢個烏龍。發言人話呢架巴士已經完成車身保養工程，只係未移除木方，之後已經由職員駛返去車廠檢查。
（網上圖片）
城巴發言人同Emily講，涉事巴士型號係亞歷山大丹尼士E58MMC 12米雙層巴士，車齡1年，嗰啲木柱係保養車身時用嘅木方，巴士本來放喺車廠，但有車長誤將巴士駛咗去巴士站，結果就有呢個烏龍。發言人話呢架巴士已經完成車身保養工程，只係未移除木方，之後已經由職員駛返去車廠檢查。
（網上圖片）
回應 (0)
