3歲女攀窗墮斃 父認屍：好想捉一捉手仔

【明報專訊】深水埗青山道前日發生的女童攀窗墮斃案，3歲死者劉鎧澄的父母昨早到殮房認屍，其後劉父在facebook留言，透露痛失愛女後只剩失去靈魂的軀殼，而在殮房見到愛女「成頭都係血，損晒」，讓他極為心痛：「好想捉一捉佢隻手仔，摸一摸頭頭，話比鎧澄聽爸爸媽媽嚟咗啦！叫佢唔好驚啦，唔再痛啦！」

「成頭都係血」 父極心痛

劉父透露年幼時與爸爸相依，長大後組織美好家庭，詎料可愛的女兒卻被上天帶走，「一夜之間要我痛失最愛，我覺得好難過好難受！我好痛苦」。不少親友留言安慰，希望鎧澄一家振作。


昨午4時許，劉氏夫婦到寓所樓下拜祭，在地面放下鎧澄生前喜歡的飲品、威化餅及麵包等，道士則將一件小衣服掛起，在場誦經招魂，劉氏夫婦望向愛女墮樓位置大叫：「劉鎧澄，返來啦，我嘅大寶貝，返來啦……」劉母一度難抵悲痛飲泣，場面淒酸。當焚燒冥鏹時，劉母含淚大叫：「劉鎧澄，收嘢啦，買妳鍾意嘅嘢啦，我嘅大寶貝……」


前日事發時，鎧澄的52歲外婆正在門外晾衫，鎧澄在房中沿窗花爬上頂部氣窗，在8樓跌出屋外墮斃，其外婆事後傷心過度送院，昨未見出現。


劉鎧澄生前就讀的寶血幼兒園（深水埗）發通告，對事件表示遺憾，已聯絡女童家長表達深切慰問，並已成立「危機處理小組」。