聖公會教友抗議管浩鳴「養貓論」

【明報專訊】聖公會教省秘書長管浩鳴早前喺電台節目以「主人與貓」比喻中港關係，仲話貓要乖，主人先會畀更大空間，惹嚟議論，約20名聖公會會友噚日響應「齊撐聖公會人」群組號召，拎住黃底黑字「管你說什麼，也不代表我」嘅標語去中環聖約翰座堂抗議，要求與教省高層直接對話，又引《聖經》提醒管浩鳴「No one can serve two masters」（一個人不能事奉兩個主，馬太福音6章24節）。


望教會領導言行謹慎

20多名會友要求聖公會領導言行謹慎，唔好再代表教友喺政治立場上發言，又要求聖公會容許喺官方刊物《教聲》中刊登不同政治立場文章，避免言論單一化。聖約翰座堂主任謝子和牧師話，管浩鳴噚日朝早去過聖約翰座堂，教會尊重參加者意見，但唔會回應集會。