新聞類別
娛樂
詳情#
【蘋果日報】安志杰同女模Jessica C.（JC）前年3月生咗囡囡Tessa，上年底佢兩個又宣佈懷第二胎，預產期為下個月中，噚日安志杰宣佈老婆呢胎係生仔，為咗慶祝新生命即將誕生，日前佢哋請咗攝影師好友為佢哋一家影咗輯相，輯相JC非常噴火性感，除咗個肚好大，手腳同面都冇水腫，可以話係漂亮孕婦。其中一張係JC着住三點式泳衣瞓喺床嘅相，極具美態，另一張係安志杰抱住囡囡，太太揸住個氣球，上面寫住：「Baby Boy」，藉此公佈第二胎係生仔。
囡囡心急見細佬
安志杰噚日受訪時話：「Tessa很快就會有一個弟弟，我們非常非常開心，迎接我們的兒子來臨，希望大家可以祝福我們！謝謝！」佢仲話第一胎喺美國生，今胎會留喺香港分娩，免得飛來飛去，老婆辛苦。問到JC生完第二胎，會唔會再生，佢笑住話：「順其自然，等上天安排！」囡囡Tessa知道就快有個弟弟來臨好鬼開心，不時會摸媽咪個肚，經常會問細佬幾時出世，又喺Play Group上堂時問老師點樣照顧細佬，有時又問媽咪可以點樣幫忙照顧細佬，好鬼可愛，JC話：「Tessa會是一個好姊姊！她充滿愛心！」
為咗迎接囝囝來臨，最近安志杰將所有片約全部推晒，經理人都開玩笑話佢為生仔，將幾千萬掟出街。
撰文：馮仁昭
囡囡心急見細佬
安志杰噚日受訪時話：「Tessa很快就會有一個弟弟，我們非常非常開心，迎接我們的兒子來臨，希望大家可以祝福我們！謝謝！」佢仲話第一胎喺美國生，今胎會留喺香港分娩，免得飛來飛去，老婆辛苦。問到JC生完第二胎，會唔會再生，佢笑住話：「順其自然，等上天安排！」囡囡Tessa知道就快有個弟弟來臨好鬼開心，不時會摸媽咪個肚，經常會問細佬幾時出世，又喺Play Group上堂時問老師點樣照顧細佬，有時又問媽咪可以點樣幫忙照顧細佬，好鬼可愛，JC話：「Tessa會是一個好姊姊！她充滿愛心！」
為咗迎接囝囝來臨，最近安志杰將所有片約全部推晒，經理人都開玩笑話佢為生仔，將幾千萬掟出街。
撰文：馮仁昭
回應 (0)
