趙哲妤為女讀言語治療

【蘋果日報】衛詩、趙哲妤（Uny）及等昨晚現身尖沙嘴出席香港無名英雄人道獎活動。Uny透露有助養小朋友，令她學會不求回報幫到人，希望女兒長大也可以學她多做公益慈善。
Uny囡囡「小魚」已16個月大，早前因發現聽障，經過手術後有進展，她說：「依家聽到講到，雖然唔係同齡小朋友進度，但進度都好快，依家識嗌媽媽，裝咗電子耳，佢聽到嘅聲音係機械聲，需要言語治療去訓練講說話，我依家讀緊言語治療課程，希望一路讀落去，讀得好仲可以幫人。」Uny對女兒病情有進展大表感恩：「因為發現得早，如果過多兩、三歲至發現嘅話，到時醫藥費會好貴，成效亦未必有。」另外，衛詩表示有探訪病童，每次都會眼淺：「都盡量忍住，唔好令佢哋感覺自己好慘。」
採訪：曹家誠
攝影：陳俊強