阿里促銷對撼京東618

【明報專訊】中國節日來來去去都係新年端午重陽咁，不過近年啲電商興「造節」，好似阿里巴巴為咗幫佢旗下淘寶、天貓等網購網站搞促銷，特登搞個「雙十一光棍節」，舊年仲告京東侵佢權，而京東就自己搞咗個618促銷，仲帶起埋蘇寧、國美、唯品會、噹噹等應戰，為主流電商開闢另一戰場。


潮流興「造節」促銷

但係強勢嘅阿里又點會坐視不理，甚至對京東窮追猛打，旗下天貓發起「天貓×品牌」促銷計劃，主張商品同海外價錢一樣，由上月25號做到7月2號，擺明要同京東對着幹，甚至惡到用埋618字眼，簡單講即係「只准州官放火，不許百姓點燈」。講番京東今年主力推嘅係家居用品，廚具平至10蚊人仔唔使，家電就直頭低至一折。不過，如果喺內地買家電，仲要平價入貨，就祝大家好運！畢竟成龍大哥已經提醒過各位，你懂的。


[小琴密語]