港奪最佳機場出入境服務獎

【明報專訊】唔少朋友去完海外旅行，返到香港都會感覺到香港入境服務真係唔錯，原來唔止Emily有呢個發現。英國專業航空運輸研究機構Skytrax搞嘅年度機場同航空公司意見調查，收集咗超過1300萬個來自112個國家嘅航空旅客對各機場出入境服務嘅評分，決定將2015年全球最佳機場出入境服務大獎頒畀香港入境處。


入境處長陳國基前日就去咗機場，由機管局行政總裁林天福手中接咗呢個獎。陳sir話，攞到呢個獎感到好鼓舞，多謝同事一直努力不懈，鼓勵前線人員本着「以禮待人、以人為本」精神，為旅客提供快捷有禮嘅服務。