莫乃光認揸車玩手機

【明報專訊】Emily噚日收到讀者嘅投訴，話朝早喺東區走廊睇見立法會資訊科技界議員莫乃光（Charles）揸車時玩手機，好危險喎，讀者話雖然當時有少少塞車，但時速都保持每小時20到50公里。根據香港法例，如果司機揸車時用手機，一經定罪最高可被罰款2000蚊。


Charles同Emily承認揸車經過東廊時用過手機，「唔記得點解自己咁心急啦，係唔記得戴藍芽耳機，但趕住check一check電話」。佢話下次唔會喎，會安全至上同小心啲。佢同Emily傾完，仲嗱嗱聲喺facebook公開道歉，多謝市民監察，話自己今次「千萬個不應該，交通安全好重要，不容忽視」。