公益金「捐款王」 匯豐新地長和冧莊

【明報專訊】噚日公益金周年頒獎禮，匯豐（0005）、新地（0016）同長和（0001）繼續冧莊最高籌款機構三甲位置，計落呢三間大藍籌都已經有好多年盤據「捐款王」前列，做善事不遺餘力。


呢幾年我哋成日都講企業社會責任，其實唔少大企業響呢方面都好積極，好似新地咁，除咗為公益金搞慈善跑樓梯同單車賽之外，亦有協助弱勢群體、搞讀書會培養閱讀氣氛。長和亦都積極參與公益活動，好似參加百萬行、公益金便服日等。


領匯設義工有薪假

其他企業亦都各自履行企業社會責任，領匯（0823）就鼓勵員工做義工，而且唔係得個講字，最近就宣布，員工只要參與領匯慈善計劃，就可以每年額外多兩日有薪義工假期。公司亦支持本港導盲犬服務，除開放旗下商場予導盲犬外，亦搞活動等普羅大眾對導盲犬工作同責任有進一步了解。


email: piano@mingpao.com

[小琴密語]