第一視頻搞國產Youtube

【明報專訊】近年潮流興拍片，好似舊年「冰桶挑戰」熱潮，隨手都可以搵到過萬條相關短片，可想而知靠播片賣廣告嘅Youtube有幾好搵，既然有「中國版Whatsapp」同「中國版eBay」，第一視頻（0082）都宣佈搞個「中國版Youtube」，不過小琴提醒佢哋留意番，Youtube係贏在拍片自由度，呢一點恐怕喺中國唔太行得通囉。


第一視頻近年主力發展視頻（係，好理所當然）同埋手機遊戲，不過手機遊戲增長放慢，自然就要諗計啦，所以就聯同一批內地新媒體公司好似時當集團、飛碟說同新京報新媒體咁，合作搞一個「眾籌」視頻平台。


佢哋首先會搵基金投資，仲諗咗個「打賞眾籌」，簡單講即係如果點擊率高，拍片者就會有額外收入。不過，小琴就咁諗，好多Youtuber拍片都粗口橫飛，而且有時仲會涉及到意識形態，中國公司自己做番係咪有得諗呢？呢個真係無人知。