新聞類別
娛樂
詳情#
【蘋果日報】吳雨霏（Kary）2月宣佈造人成功，預產期將在下個月，有傳其夫洪立熙(Brian)為迎接洪家第一B，已在半山購入半億豪宅，等金笸籮出世，住得舒舒服服。
Kary雖然快將「卸貨」，但仍然活力十足，不時影到佢陀住B四圍去，前晚就挺著大肚，同兩位好姊妹區文詩(Angela)同鄧麗欣(Stephy)聚餐，慶祝Angela新居入伙。
Angela喺IG貼咗幾張相，化咗淡妝嘅Kary精神奕奕，着白T恤衫襯牛仔褸嘅佢，露出圓碌碌嘅巨肚，坐喺Angela同Stephy中間影合照。
餸菜方面，除咗一碟炸物外，其他都算清淡，包括蒸水蛋、蒸節瓜脯、蒸雞翼等。不過，亮點就唔係枱面嗰五個餸，反而係四個飯碗，究竟鏡頭外仲有邊個喺度？
據知鏡頭外，即係負責影相嗰位，只係Kary老公Brian，唔係傳聞同Kary已破冰嘅楊愛瑾，昨日《蘋果》搵過Angela，問咁精美嘅五個小菜由誰操刀？佢就話：「係我下廚呀！不過私人嘢就唔講咁多喇！」
Kary雖然快將「卸貨」，但仍然活力十足，不時影到佢陀住B四圍去，前晚就挺著大肚，同兩位好姊妹區文詩(Angela)同鄧麗欣(Stephy)聚餐，慶祝Angela新居入伙。
Angela喺IG貼咗幾張相，化咗淡妝嘅Kary精神奕奕，着白T恤衫襯牛仔褸嘅佢，露出圓碌碌嘅巨肚，坐喺Angela同Stephy中間影合照。
餸菜方面，除咗一碟炸物外，其他都算清淡，包括蒸水蛋、蒸節瓜脯、蒸雞翼等。不過，亮點就唔係枱面嗰五個餸，反而係四個飯碗，究竟鏡頭外仲有邊個喺度？
據知鏡頭外，即係負責影相嗰位，只係Kary老公Brian，唔係傳聞同Kary已破冰嘅楊愛瑾，昨日《蘋果》搵過Angela，問咁精美嘅五個小菜由誰操刀？佢就話：「係我下廚呀！不過私人嘢就唔講咁多喇！」
回應 (0)
