慢必揭住院舍媽媽「被登記」做選民

【明報專訊】區議會選舉將在年底舉行，建制和泛民都積極舉行選民登記活動，呼籲支持者在選舉中投票。不過，人民力量立法會議員陳志全（慢必）透露，喺老人院居住嘅母親早年已取消選民登記，但近日發現媽媽又被人以老人院地址再次登記成為選民。佢質疑老人院嘅長者，可能喺不清楚嘅情况下被人登記做選民，在選舉日被運送到票站，「如果能操控區內兩三間老人院，區議會選舉已經好大勝算，不得不防」。


曾幫母親取消 近日翻查再被登記

慢必噚日喺facebook透露，由於居於老人院嘅母親於4年前被登記做選民，及後更被操控投了建制派候選人票，為防事件重演，最後取消佢嘅選民登記。但近日家人上網翻查選民登記冊，又發現媽媽被人以老人院地址再次登記成為選民。


慢必認為，好多老人院都代長者保管身分證，要代佢哋登記做選民易如反掌，呼籲家有長者喺老人院居住嘅人士留意，避免長者被登記做選民，甚至被操控投票。