教協理事為台作歌拉票

【明報專訊】出年台灣總統大選，民進黨總統候選人蔡英文搞咗個以「台灣美樂地」為題嘅競選歌曲徵集比賽，香港教協理事方景樂（圖）同佢班band友都作咗首歌參賽，點解呢？事關呢場係台灣普選嘛，方景樂話，台灣有自由、有尊嚴，唔單係香港人一直渴求嘅，亦係全人類應該擁有嘅。


方sir隊band叫「hamster」，除咗佢，仲有兩個做社工同會計師嘅成員，佢哋首歌嘅歌詞喺咁嘅﹕「百花齊爭艷，百鳥同爭鳴……這個信念，一直在我心底，就是，改變、改變，勇敢地改變一切落後的…不會怕迴響震天，只怕沉默……你也不用怕……」

首歌上載咗喺melody.iing.tw/song/113，噚日起一連5日接受網民投票，獲得最高票嘅20首可進入決賽，由評審團選出10首歌，蔡英文會喺競選期間採用。方sir呼籲香港人都投票畀佢首歌，同台灣人一齊追逐民主。