何俊仁放棄辭職「公投」

【明報專訊】民主黨立法會議員何俊仁早前提出，考慮喺否決政改方案後辭職，引發變相「公投」畀市民表態。不過，佔中三子、學聯、學民思潮、泛民同公民團體組成嘅五方平台，噚日開會後，仁哥終於決定唔辭職「公投」喇。


仁哥噚日開會後解釋，唔做「公投」係因為目前社會氣氛冷淡，無氣氛凝聚力量。佢話本屆立法會議員任期將滿，未來泛民亦面對區議會、立法會同新界東補選3場選舉，要籌措力量，稍後泛民會退修沉澱一下。


被問到民主黨提出「公投」又唔做，係咪好似傳聞咁講得唔到學生支持？仁哥話唔想歸咎人哋支唔支持，而係大環境問題。佢話泛民嚟緊都諗緊點連結做社區運動，議題包括民生同近排好hit嘅學術自由問題等。