警製SolarPeak月曆 大事表未提催淚彈

【明報專訊】噚日有網民流傳幾張相，分享警隊喺佔中行動後出咗個以行動代號Solar Peak「日峰」為主題嘅2015年坐枱月曆，封面係戴防暴頭盔警察處理佔中嘅相片，並配以「堅守專業精神 公道自在人心」字句（圖），內有大事表，記錄「79天的日與夜」，主要提及9．28以來警方面對嘅衝突，大事表未見有提及使用催淚彈。


Emily問過一啲前線警察，阿sir話部門係喺佔中後一至兩個月印製咗呢個月曆畀同事，佢哋都有用，亦記得每月都有啲名人雋語。Emily見1月嘅名人雋語係曼德拉「活着最大的光榮並不在於未嘗挫折，而在於每遇到挫折都能重新振作」，另外，月曆亦有啲支持香港警察嘅卡通漫畫。