新聞類別
副刊
詳情#
【明報專訊】民建聯漁農界議員何俊賢（圖）喺剛過去嘅授勳，獲授銅紫荊星章，有評論認為，咁係因為佢所屬嘅漁農界喺特首選舉中坐擁60名選委票，喺選舉中有影響力，所以特首梁振英（CY）先頒呢個星章畀佢。不過，高佬賢噚日同Emily傾偈時，話特首絕無可能咁樣做，又反問如果真係咁，個勳章「不如畀阿爺」。莫非阿爺對漁農界選委影響真係咁大？
高佬賢話，其實漁業人士獲授勳都唔少，舉例該界別前議員黃容根，就係攞銀紫荊星章。不過，我哋睇番，根哥自回歸起已經出任漁農界議員，2007年先拎到銀紫荊，似乎又唔多能比較。
高佬賢形容授勳遴選嘅過程，其實就好似喺社會搵出啲隱蔽青年咁，因為社會上有好多值得表揚嘅人。佢舉例，好多時去見漁農業界，都覺得自己年資淺，用學嘢心態，認為業內有好多人都值得表揚。至於咁早獲授勳係咪爬過其他黨員頭，高佬賢話，佢獲授勳後，民建聯主席李慧琼（Starry）都有恭喜佢，而Starry目前只係太平紳士。問到高佬賢覺唔覺得比佢更資深嘅黨友更應攞勳銜，佢就話「梗係啦！」
高佬賢話，其實漁業人士獲授勳都唔少，舉例該界別前議員黃容根，就係攞銀紫荊星章。不過，我哋睇番，根哥自回歸起已經出任漁農界議員，2007年先拎到銀紫荊，似乎又唔多能比較。
高佬賢形容授勳遴選嘅過程，其實就好似喺社會搵出啲隱蔽青年咁，因為社會上有好多值得表揚嘅人。佢舉例，好多時去見漁農業界，都覺得自己年資淺，用學嘢心態，認為業內有好多人都值得表揚。至於咁早獲授勳係咪爬過其他黨員頭，高佬賢話，佢獲授勳後，民建聯主席李慧琼（Starry）都有恭喜佢，而Starry目前只係太平紳士。問到高佬賢覺唔覺得比佢更資深嘅黨友更應攞勳銜，佢就話「梗係啦！」
回應 (0)
