不再唱兩個夠數 家計會倡生育早計劃

【明報專訊】「兩個就夠晒數」呢支歌仔早年唱咗好多年，家時代唔同，家計會噚日推出最新嘅電視宣傳短片，就改為「一個可以獨奏」、「兩個可以孖住上」、「不妨四人大合唱」，甚至「湊夠人參加籃球賽」，目的係鼓勵打算生育嘅年輕夫婦，盡早做好家庭計劃，以實現心中理想嘅生育目標。


家計會主席殷巧兒同Emily講，廣告概念源於家計會前年做嘅調查，結果顯示本港夫婦嘅生育趨勢及期望有所轉變。已婚婦女嘅平均理想子女數目，由過去一直下跌，喺2012年就回升，顯示佢哋比過往有較強嘅生育意願，不過實際上就未必達到佢哋嘅生育目標，原因之一係遲婚同遲生育。


殷巧兒話，過去十幾年，年紀較大嘅夫婦不少因為成孕困難而搵家計會「生育指導服務」幫手，提醒打算生育嘅夫婦預早做好家庭計劃，以免錯過成孕時機。