偉大力場 Chok市無得唞

【明報專訊】港股經歷周三大跌後，噚日報復式反彈，全城股民來回地獄又折返人間。大家由互呻「輸咗幾多」、變成揼心口「點解唔撈多啲貨」！


等咗成個禮拜，港股終於反彈，顯得這個報復式反彈更為珍貴。因此，就連本城偉大的力場系統，亦要擋住強烈熱帶風暴「蓮花」，等恒指可以順利升夠800點收市。4點40分，天文台先掛出八號颱風訊號，但收市後期貨交易時段就要暫停，夜期更是關閉。坐住過山車、大上大落咁多日，總算有一晚，大家可以早啲收工，唔使睇！


不過，唔好諗住今天有個上午蛇王，因在偉大的力場下，截至截稿前，蓮花已經「迅速減弱」落波，今日大家都係要準時起身返工，繼續開市！