富豪跨世代合作搞慈善

【明報專訊】《大時代》做完一排，但上周股市狂插千點，相信唔少股民都會想起劇中富豪，一齊入市托市一幕。雖然現實中已無可能發生，但近排AMTD撥咗部分收益做善事，包括早排支持霍老孫新抱郭晶晶擔任活動大使、專門幫助內地兔唇患者嘅「一笑慈善晚宴」，總算係跨世代完成合作。


AMTD今年正式改名做AMTD資產管理，全力喺資管業務大展拳腳，喺發展嘅同時，公司亦好有心，知道高端客戶尤其是投資移民客，都關心社會上有需要人士，所以專登撥出部分收益作為慈善用途，贊助多個慈善活動，其中一個就係霍啟剛太太郭晶晶擔任活動大使的「一笑慈善晚宴」，捐款可以幫助更多內地偏遠和貧乏地區嘅兔唇患者，等佢哋可以重拾笑顏。


據了解，AMTD仲有意成立慈善基金，實行鼓勵客戶同員工持續性投入本地社區公益服務，真正做到回饋社會、關懷社群。


email: piano@mingpao.com

[小琴密語]