擅取父母20萬 內地學生炒股險輸光

【明報專訊】中國股市千奇百怪，雖然早期A股過千公司停牌，但中國股民依然信心爆棚。彭博通訊社昨日搵到個case，話說早前，有位23歲嘅中國學生陸濤（音譯），拎老豆老母20萬人仔去炒股。本來早期股災就輸光，但結果獲中央托市，竟然令佢死過翻生。


不過，佢仲係唔知驚，諗住瞞住父母繼續炒，仲好堅決咁話﹕「我係唔會離開嘅，市場個價值仲喺到，我相信政府會繼續出招托市。」上海有個投資顧問仲話，喺中國，只要中央繼續出手，無嘢係難到班股民。亦有人分析話，家政府正處於一個困局，就係佢期望市場可靠自己，點知投資者就旨意佢出手。有位留美嘅中國女學生就話，股票市場係無邏輯可言，而且危機四伏。計我話，最無邏輯嘅一定唔係市場，而係一班堅守「信者得救」嘅股民。


[小琴密語]