新聞類別
財經
詳情#
【明報專訊】家社交網站已經成為唔少人嘅「日常必需品」，每日起身、搭車、食飯同瞓覺前，都要上去睇下、更新下。就好似早兩日facebook突然死機，真喺有人周身唔聚財，不過有人才招聘公司就話，社交網站分分鐘令你搵唔到工。
翰德噚日就發表咗《翰德報告：2015下半年就業趨勢》，其中話到差唔多每兩位招聘者之中，就有一位會係請人前上去求職者嘅社交網站，睇下佢哋喺履歷上填嘅資料同經驗啱唔啱、信息內容及個人興趣等等。近99%嘅招聘者會睇LinkedIn，其次喺facebook同Google+。
價值觀與語文錯誤亦受關注
報告仲話到，每7位招聘者中就有多過1位被招聘者睇完社交網站後而失去工作機會。佢列舉咗7個隨時今人搵唔到工既社交網站錯誤，頭3位嘅百分比都幾接近，分別喺虛構或假造資歷與經驗（54%）、不當行為（49%），同講僱主、同事或者客人壞話（42%），其餘嘅有明顯唔符合公司嘅價值觀、拼寫與語文錯誤、分享太多個人信息，同喺論壇中發表有爭議性嘅言論。
翰德香港及廣州總監Siddharth Suhas話，愈嚟愈多招聘者為咗加深認識應徵者，會上去佢哋嘅社交網站瀏覽，所以求職者要記住喺網站上必須保持專業嘅表現，而朋友間可以傳播嘅資訊未必適合喺商業環境中傳播。
翰德亦建議，求職者需注意其他人喺網上對自己嘅評價，亦要檢查所有個人資料或意見評論嘅拼音和語法有冇出錯，同問下其他人對自己嘅相同文稿有咩意見。
宜多檢視語法 尊重別人
不過小琴就覺得，做到咁似乎有小小病態，最重要都係喺用社交網站嘅時候，多啲尊重別人同自己，咁就夠啦。
email: piano@mingpao.com
[小琴密語]
翰德噚日就發表咗《翰德報告：2015下半年就業趨勢》，其中話到差唔多每兩位招聘者之中，就有一位會係請人前上去求職者嘅社交網站，睇下佢哋喺履歷上填嘅資料同經驗啱唔啱、信息內容及個人興趣等等。近99%嘅招聘者會睇LinkedIn，其次喺facebook同Google+。
價值觀與語文錯誤亦受關注
報告仲話到，每7位招聘者中就有多過1位被招聘者睇完社交網站後而失去工作機會。佢列舉咗7個隨時今人搵唔到工既社交網站錯誤，頭3位嘅百分比都幾接近，分別喺虛構或假造資歷與經驗（54%）、不當行為（49%），同講僱主、同事或者客人壞話（42%），其餘嘅有明顯唔符合公司嘅價值觀、拼寫與語文錯誤、分享太多個人信息，同喺論壇中發表有爭議性嘅言論。
翰德香港及廣州總監Siddharth Suhas話，愈嚟愈多招聘者為咗加深認識應徵者，會上去佢哋嘅社交網站瀏覽，所以求職者要記住喺網站上必須保持專業嘅表現，而朋友間可以傳播嘅資訊未必適合喺商業環境中傳播。
翰德亦建議，求職者需注意其他人喺網上對自己嘅評價，亦要檢查所有個人資料或意見評論嘅拼音和語法有冇出錯，同問下其他人對自己嘅相同文稿有咩意見。
宜多檢視語法 尊重別人
不過小琴就覺得，做到咁似乎有小小病態，最重要都係喺用社交網站嘅時候，多啲尊重別人同自己，咁就夠啦。
email: piano@mingpao.com
[小琴密語]
回應 (0)
