新聞類別
財經
詳情#
【明報專訊】公共屋邨接連被揭發食水含鉛超標，從政府處理是次風波的態度同反應，筆者認為，部門的僵化思維和推卸責任文化，比含鉛事件本身更悲哀。今次揭發食水問題的是民主黨議員黃碧雲，她上周初舉行居民大會，竟有居民指民主黨造謠生事，未知係咪帶有政治偏見，房署發言人第一反應就話食水無問題，因為抽驗咗11個樣本都無超標。大佬，人哋民主黨係做咗九龍西13個屋苑抽驗，透過合資格化驗所，鎖定咗啟晴邨有問題，你房署求求其其就話無事，結果最後捉蟲，仲要愈爆愈大鑊，真係令人想爆粗！
講到水嘅管理，政府一直有個好大嘅問題，就係只投放資源喺水源方面，每年用三、四十億買東江水，亦預留了錢開拓新水源，水源100%乾淨衛生，政府就會第一時間撲出來領功，但就忽略了水嘅輸送，香港喉管老化問題，隨時係一個計時炸彈。
公帑重鋪水喉 納稅人頂住條氣
黃碧雲話，水務署曾向她表示，食水入啟晴邨之前沒有含鉛，入咗後才含鉛，呢啲咪就係劃清界線囉，水務署潛台詞其實就係唔關佢事，佢只負責確保水源潔淨。而其實政府一直講明，內部供水系統不屬於公共供水基建，須由大廈業主或物業管理公司負責管理同保養，只係今次出事嘅係公屋，政府先要處理，結果因為官僚嘅是是旦旦、推得就推文化，搞到一鑊粥。
假如出事嘅係私樓，官員面向公眾嘅對白，就簡單好多，新聞官例牌一定咁度：「食水含鉛事件，係完全不能接受，我哋會要求相關發展商或承建商徹底調查問題源頭，對於有關企業不負責任嘅行為，我哋深表遺憾。」怎料，而家出事嘅係政府自己監管不力，於是「啞咗」，支吾以對，大失方寸。政府出錯，我哋又點樣遺憾佢？無計，仲要預咗所交嘅稅，用來重鋪公屋喉管，筆者真係頂……住條氣。
發生咗鉛之禍，亦唔好寄望特首幫到你，因為佢近期忙於上演一場獨腳戲。梁特日前匆匆上京，話就話係同阿爺傾「一帶一路」，但觀乎他極為「簡約」的行程，以及整個訪問的客觀效果，所謂傾「一帶一路」好明顯只係幌子，佢唯一嘅目的，好明顯係想借阿爺過橋。
梁特好戲連場 擊退參選對手
早前坊間流傳梁特明年一月就要提早執包袱，消息聽落雖然非常之流，但梁特後來連消帶打才是戲肉。
先係接受電台訪問，話自己「連任的問題我沒有計劃」，為爭取連任吹淡風，之後急急安排上京閉門見領導人，然後向傳媒自吹自擂一番，五度引述全國人大委員長張德江「高度肯定我本人」，當再被問會否連任，就改口風說自己「只要有機會、有空間」，就「一定會盡最大努力為香港社會服務」，客觀效果就係告之世人，佢已得到阿爺加持，當大家將「阿爺百分百支持梁特」當成事實，各路人馬自然知所進退，亦是梁特順利連任之時。
有熟識港情嘅內地朋友話，香港除咗班泛民習慣綑綁，其實梁特自己都一樣精於綑綁之術，最叻就係將自己同阿爺綁埋一齊。今次呢套京城獨腳戲，明顯又係一例。阿爺嘅政治能力，筆者當然不敢睇小，但如何拆解梁特呢招「五花大綁」，筆者真係唔敢樂觀，但內地朋友就好肯定阿爺適當時候必定見招拆招。
對付綑綁 阿爺料見招拆招
如今官方新華社隻字不提張德江肯定梁特工作，或多或少已睇出阿爺使出鬆綁之術，筆者奉勸梁特好自為之，若繼續肆無忌憚借阿爺過橋，阿爺他日一旦老羞成怒，今日佔的小便宜隨時十倍奉還。
[應正亮 廿四味]
講到水嘅管理，政府一直有個好大嘅問題，就係只投放資源喺水源方面，每年用三、四十億買東江水，亦預留了錢開拓新水源，水源100%乾淨衛生，政府就會第一時間撲出來領功，但就忽略了水嘅輸送，香港喉管老化問題，隨時係一個計時炸彈。
公帑重鋪水喉 納稅人頂住條氣
黃碧雲話，水務署曾向她表示，食水入啟晴邨之前沒有含鉛，入咗後才含鉛，呢啲咪就係劃清界線囉，水務署潛台詞其實就係唔關佢事，佢只負責確保水源潔淨。而其實政府一直講明，內部供水系統不屬於公共供水基建，須由大廈業主或物業管理公司負責管理同保養，只係今次出事嘅係公屋，政府先要處理，結果因為官僚嘅是是旦旦、推得就推文化，搞到一鑊粥。
假如出事嘅係私樓，官員面向公眾嘅對白，就簡單好多，新聞官例牌一定咁度：「食水含鉛事件，係完全不能接受，我哋會要求相關發展商或承建商徹底調查問題源頭，對於有關企業不負責任嘅行為，我哋深表遺憾。」怎料，而家出事嘅係政府自己監管不力，於是「啞咗」，支吾以對，大失方寸。政府出錯，我哋又點樣遺憾佢？無計，仲要預咗所交嘅稅，用來重鋪公屋喉管，筆者真係頂……住條氣。
發生咗鉛之禍，亦唔好寄望特首幫到你，因為佢近期忙於上演一場獨腳戲。梁特日前匆匆上京，話就話係同阿爺傾「一帶一路」，但觀乎他極為「簡約」的行程，以及整個訪問的客觀效果，所謂傾「一帶一路」好明顯只係幌子，佢唯一嘅目的，好明顯係想借阿爺過橋。
梁特好戲連場 擊退參選對手
早前坊間流傳梁特明年一月就要提早執包袱，消息聽落雖然非常之流，但梁特後來連消帶打才是戲肉。
先係接受電台訪問，話自己「連任的問題我沒有計劃」，為爭取連任吹淡風，之後急急安排上京閉門見領導人，然後向傳媒自吹自擂一番，五度引述全國人大委員長張德江「高度肯定我本人」，當再被問會否連任，就改口風說自己「只要有機會、有空間」，就「一定會盡最大努力為香港社會服務」，客觀效果就係告之世人，佢已得到阿爺加持，當大家將「阿爺百分百支持梁特」當成事實，各路人馬自然知所進退，亦是梁特順利連任之時。
有熟識港情嘅內地朋友話，香港除咗班泛民習慣綑綁，其實梁特自己都一樣精於綑綁之術，最叻就係將自己同阿爺綁埋一齊。今次呢套京城獨腳戲，明顯又係一例。阿爺嘅政治能力，筆者當然不敢睇小，但如何拆解梁特呢招「五花大綁」，筆者真係唔敢樂觀，但內地朋友就好肯定阿爺適當時候必定見招拆招。
對付綑綁 阿爺料見招拆招
如今官方新華社隻字不提張德江肯定梁特工作，或多或少已睇出阿爺使出鬆綁之術，筆者奉勸梁特好自為之，若繼續肆無忌憚借阿爺過橋，阿爺他日一旦老羞成怒，今日佔的小便宜隨時十倍奉還。
[應正亮 廿四味]
回應 (0)
