文化博物館今展李小龍藏品

【明報專訊】7月20號係一代武打巨星李小龍去世42周年嘅日子，沙田香港文化博物館今日起會展出最新系列李小龍藏品，包括李小龍親筆簽名嘅初版《基本中國拳法》、《唐山大兄》《精武門》等賣座電影嘅宣傳片菲林、攝製《龍爭虎鬥》幕後花絮嘅相片、多齣電影劇照同埋宣傳海報。


小龍迷蒐集近萬藏品

呢批新展品係由美國三藩市收藏家陳振輝借出，會放喺原有嘅李小龍展覽區，以「賞•念李小龍．．收藏家珍藏系列」展覽展出。小龍迷陳振輝自11歲開始收藏李小龍藏品，佢喺三藩市屋企仲搞咗個「李小龍專室」，擺放佢40幾年嚟蒐集到同李小龍有關嘅各式各樣藏品，有成近萬件。