相隔18年 漁護署內部升署長

【明報專訊】政府高官新一輪音樂椅遊戲又再響起，59歲嘅漁護署長黃志光將於7月25日開始退休前休假，佢個位由出身漁業主任嘅副漁護署長梁肇輝（圖）接替。漁護署長呢個位1997年起都係政務官掌舵，18年後嘅今天，個位終於由部門技術官僚做番，聽講部門裏面都有啲驚奇。梁肇輝1991年加入政府，由漁業主任做起，2010年升至副署長。


漁護署自從1997年昆蟲專家李熙瑜喺署長一職退休後，一直由AO空降出任署長，包括現任署長黃志光，但近年務政官青黃不接，流失情况嚴重，政府挑選首長級官員，重新考慮由內部晉升。有漁記中人話，等足18年，終於再有自己友做署長。


單慧媚升政府化驗師

另外政府宣布，助理政府化驗師單慧媚下月6日接替劉秋銘出任政府化驗師，同日服務政府31年嘅劉秋銘開始退休前休假。