想拍雨傘電影 杜琪峯怕有後果

【明報專訊】名導演杜琪峯喺愛丁堡國際電影節接受英國文化藝術雜誌The Skinny專訪嘅時候話，參與去年「Umbrella Revolution（雨傘革命）」嘅年輕人尊重香港同埋香港未來，仲話心底入面好想為運動拍番套戲，但就驚如果家咁樣做，會對佢公司帶來後果喎。但佢喺訪問中，就無講自己怕有乜嘢後果。


不過，杜琪峯話雨傘運動同當中嘅道德情操，以及佢對香港嘅意義，會長存喺佢嘅記憶同想像中，仲話佢哋一定會喺佢將來嘅作品中出現。


作品走近中國「主要錢問題」

杜琪峯嘅作品，近年同中國愈走愈近，杜琪峯話主要都係錢嘅問題，要向現實低頭，佢話喺中國拍電影，投資者肯畀1億做成本；但喺香港，想搵個肯畀1000萬嘅投資者都無。


杜琪峯覺得呢種中港互動，最大問題係會愈來愈少香港電影，佢話家喺香港，拍電影仍然有自由，但喺中國大陸拍電影就唔可能完全自由。