動漫節fb公布預計排隊時間

【明報專訊】一年一度嘅香港動漫電玩節周五開幕！唔少動漫電玩產品都係限量發售，賣完就無，動漫迷為買到心頭好，會預早到會場排隊等候。今年主辦單位宣布，動漫節期間每隔30至40分鐘會喺官方facebook專頁（http://www.facebook.com/anicomhk）公布最新嘅龍尾位置同預計排隊時間，等動漫迷唔使無了期等待。


一連五日（7月24日至28日）嘅動漫節將會喺香港會議展覽中心舉行，每日由朝早10點開放到夜晚9點（最後一日就提早一個鐘閉館）。今年有288個參展商，包括PlayStationR、Xbox、Gundam、Hot Toys等熱門展商，大會預告有多款未喺市面出現嘅動漫電玩產品。


另外，展覽場地面積亦打破歷年紀錄，達21萬平方呎，包括新加開3E展覽館，預留咗總面積達4.5萬平方呎嘅空地，免費畀公眾及cosplayers一齊玩樂。