「港版中田英壽」 申公司上市

【明報專訊】有「港版中田英壽」之稱嘅眼科名醫謝偉業，他所創辦嘅清晰醫療集團噚日向港交所﹙0388﹚已遞表申請喺創業板上市。不過原來謝醫生除咗好似中田英壽咁型之外，圍繞佢嘅是非都唔少。


曾被醫委會除名

2003年，謝醫生就因為太過出位，先後接受報章同埋雜誌嘅訪問，再加上又喺雜誌度幫佢間診所賣廣告，仲要全版咁「囂」，最終就畀醫委會裁定佢違反醫務守則，重罰佢除名3個月，好在最終緩刑兩年。


與徐子珊傳緋聞

愛情亦都當然難唔到擁有俊朗外表嘅謝醫生啦，而且眼科醫生即係眼科醫生，眼角都零舍高啲。同謝醫生傳過緋聞嘅全部都係大美人，先有鍾麗淇、任葆琳，而最近一個同佢傳出緋聞嘅娛樂界人士就係徐子珊，不過坊間就話謝醫生同徐子珊就已經喺2012年個陣散咗喎，唔知家係咪專心工作呢？


email: piano@mingpao.com

[小琴密語]