全國青聯換屆 洪綺敏有份

【明報專訊】全國青年聯會過去可以話係內地領導搖籃，香港亦有唔少政界第二代參與，青聯今年換屆，最快今日就會出名單，唔少新面孔上榜，Emily聽聞，特首選舉時已幫梁振英（CY）、家喺齊心基金工作嘅前記者洪綺敏（圖），亦晉身全國青聯委員。


除咗洪綺敏，其他新上榜嘅仲有理文造紙首席執行官李文斌、青年民建聯主席顏汶羽、廣西社團總會秘書長羅志超等。


傳統以嚟香港都有兩個副主席位，一向爭崩頭，除咗新世界副主席鄭志剛會繼續做，另一個空缺，早前盛傳香港青聯主席霍啟剛、信和執董黃永光、菁英會榮譽主席施榮忻等激烈競爭，預料施榮忻脫穎而出機會較大，能成功升呢做全國青聯副主席。