《明報》攞消費報道金獎 連日追查麥記福喜食材風波

【明報專訊】消費者委員會噚日為一年一度嘅消費權益新聞報道獎頒獎，今年《明報》5個同事邱雅錡、陳顥之、黎芷欣等憑「麥當勞福喜食材風波」嘅報道，拎到「新聞組別」金獎。兩個舊同事周婷同卓成家雖然已離職，噚日都一齊上台領獎。


5同事齊上台領獎

舊年上海福喜爆出過期肉風波，本港麥當勞一度聲稱無引入上海福喜食材，最終被踢爆「講大話」，開記招亦冇咗答問環節，可以話係「公關災難」。當時連香港食環署都一度因為未查晒所有單據，遲咗揭發事件。明報同事經過連日追查報道事件，努力終於有回報，Emily喺度恭喜咁多個同事。