打風機場的去西環 司機開價$1280

【明報專訊】打風搭的士要加錢，大家有時都會遇到，不過教協總幹事馮家強嘅朋友，早排喺香港打8號風球搭的士，由機場去西環，結果司機話車費要收1280蚊！

馮家強﹕應上車前講明

馮家強喺facebook講呢件事。Emily問過佢，佢話呢位台灣女友人上車同埋途中，司機都無講過要加錢，只係一路問佢嚟香港玩定出差，到落車先講要1280蚊，女友人唔接受，身上亦無咁多錢，司機仲一度想搶佢嘅銀包睇佢有幾多錢，女友人話要打電話，最後司機先肯收750蚊。


根據機場網頁資料，機場去西區，的士大約收315蚊。有網民見到呢個帖留言，話打風時無保險，司機都要冒險，加費可以理解，但馮家強認為，一切應上車前講明，佢擔心香港好似發展中國家例如內地、泰國，的士會係「海鮮價」。