蒙能75萬債都要用新股還

【明報專訊】俗語有云：「福無雙至，禍不單行」，呢句說話用嚟形容蒙古能源（0276）就貼切不過。事關繼上個禮拜蒙古能源宣布正式由中環皇后大道中嘅新世界總部，「失寵」搬去上環干諾道西之後，噚晚再宣布「以股抵債」，真係雪上加霜。


蒙古能源尋晚發公告宣布，以每股0.34元，分別向新疆綠地王、蒙古Shinehualucho同埋蒙古Road Trade，配售221.58萬股、350.75萬股及2392.48萬股新股份，涉資1008萬元。


拎成千萬返嚟，係唔係有咩搞作？原來唔係，只係蒙古能源爭呢3間公司錢，其中一筆債仲要只係75萬左右，都要「以股抵債」。睇返蒙古能源2015年年報，截至3月底手頭現金得返1300萬，難怪要「以股抵債」。


[小琴密語]