狄志遠：問責致學校自保 黨友黃碧雲斥言論反智

【明報專訊】基真小學小五女學生羅芍淇前年在校內墮樓死亡，引起大家關注學校處理嚴重事故嘅手法係咪太僵化。民主黨成員、香港家庭教育學院總監狄志遠噚日出席DBC節目時就話，社會問責氣氛令學校面對多方壓力，形成自保心態；但民主黨下午出稿話對阿狄嘅言論不能苟同，教育政策發言人黃碧雲更話阿狄言論反智兼不合邏輯，亦不必要地轉移視線，亦有包庇和縱容校方處理突發事件不當之嫌。


黃碧雲話，死因庭裁判官都形容涉案學校副校長們嘅證供「不合邏輯」、「一派胡言」、「大話連篇」、「匪夷所思」，而社會亦有廣泛討論，「是非曲直，顯而易見」，絕對唔係阿狄口中嘅「問責壓力問題」。碧雲認為，若學校遇到突發事件，如牽涉學校師生或員工嘅人命，絕對不能夠因為保護校譽而耽誤處理。


阿狄同Emily講，大家各有各睇法啦，至於佢同前民主黨成員黃成智係咪會組黨？阿狄重申家仲係討論階段，希望新政黨能擺脫政黨紛爭，行「第三道路」。