陳智思獲授城大榮譽博士

【明報專訊】城市大學宣布，向全國人大代表、行會成員陳智思（Bernard，圖）頒授榮譽社會科學博士學位。Bernard有公職王之稱，幾個月前更因獲委任為「降低食物中鹽和糖委員會」主席而人氣急升，「特首黑馬」個位似乎愈坐愈穩。城大話，頒學位係要表揚領袖對教育同社會福祉嘅重大貢獻。


陳智思亦兼任活化歷史建築諮詢委員會、活化已修復堆填區資助計劃督導委員會成員，以及社會服務聯會主席。另外獲頒榮譽博士學位嘅，仲包括台達集團創辦人鄭崇華、著名物理學家Herbert Gleiter，及David Harilela Group行政總裁夏大衛，佢哋分別因為不同成就獲頒榮譽工程學、理學及工商管理學博士學位。榮譽博士學位頒授儀式會喺今年11月嘅城大學位頒授典禮上同時舉行。