陳啟宗「產量」 超越莎翁

【明報專訊】恒隆（0101）董事長陳啟宗每年都會喺年報寫一篇長文，分享佢對經濟同市場嘅睇法，有人將佢同股神巴菲特《給股東的信》比較，但佢嘅員工好崇拜佢，將佢提升去藝術層次，話佢寫咗25年嘅《致股東函》洋洋18萬字，超越英國文壇偉人莎士比亞。小琴聽聞陳啟宗每年都好;畀心機親手喺年報同中期報告寫《致股東函》，分析財經大勢。恒隆公司網站尋日登咗篇「《董事長致股東函》字數超越中西文學經典」文章，統計佢98篇文，英文共18萬字，譯成中文30萬字。恒隆話你知：大文豪莎士比亞嘅《皆大歡喜》、《威尼斯商人》、《仲夏夜之夢》、《第十二夜》、《哈姆雷特》、《馬克白》、《李爾王》同《奧賽羅》，加埋17.9萬字；中國歷史文獻《左傳》有18萬字，即係陳啟宗超越咗莎士比亞同左丘明兩大文壇巨人！咁會唔會派特別息賀一賀佢？


email: piano@mingpao.com

[小琴密語]