自由黨老蘭吸新血 《紐時》話田少似巨星

【明報專訊】自由黨之前喺蘭桂坊嘅酒吧搞青年聚會吸納新黨友，創本地政壇先河，美國《紐約時報》噚日報道，話去年下半年癱瘓香港嘅民主示威，係由20幾歲嘅年輕人發動，而呢場示威令政黨想更年輕化，爭取年輕人嘅支持，但年輕化對親中政黨嚟講較困難，自由黨喺呢方面就特別成功。


報道主要描述當晚吸納新黨友情况，記者引述自由黨支持者話，覺得佢哋個黨特別之處，係個黨反叛嘅氣息（a tinge of defiance），而呢種精神最能夠體現喺自由黨榮譽主席田北俊身上，仲形容到田少當晚喺酒吧度，係最接近搖滾巨星嘅人（the closest thing to a rock star）。