卿姐訪菲 盼尋僱傭雙贏方案

【明報專訊】民主黨主席劉慧卿後日（8月2號）會聯同「外傭圓桌會議代表」一齊出訪馬尼拉，同菲律賓政府官員會面，跟進外傭問題，包括中介公司收費太高問題。卿姐好勞氣咁話有啲中介公司收費太高，令部分外傭要將頭幾個月人工拎去還錢，認為咁做同無人工無分別。


批部分中介公司收費太高

卿姐過去一直有跟進外傭中介服務嘅問題，佢話今次會向菲律賓政府官員建議，希望菲、港兩地政府可以成立一個跨政府組織，一齊處理外傭問題。卿姐強調唔係只幫外傭，希望可以搵到一個雙贏方案，維護外傭同僱主權益。


卿姐話，有外傭反映嚟香港工作頭嗰幾個月嘅人工，唔可以自己袋，僱主會直接拎咗去中介公司還債，卿姐都替啲外傭慘。