塞班島開賭 享陽光與海灘

【明報專訊】博華太平洋（1076）到塞班島開設賭場嘅大計，已逐步落實，佢哋嘅臨時賭場，亦喺剛過去嘅周日7月26號正式開業，暫時有48張賭枱應市。且開業首日相當旺丁，從相片所見已人山人海，唔少客仔更係華人，玩緊嘅都係佢地鍾意嘅百家樂。


旅遊賣點多 威脅澳門

其實博華本身係澳門都有間接投資開貴賓廳，但鑑於澳門博彩市場近年唔多掂，就分散業務去塞班搞賭場，以Best Sunshine名義準備投資71億美金大搞賭場度假村。聽講佢地希望臨時賭場可以每日引來5700個客幫襯，以推動當地旅客人均消費，由220美金提高到600美金