新聞類別
副刊
詳情#
【明報專訊】距離開學仲有唔夠一個月，Happy Mama同班媽咪friend梗係趁最後機會出來high tea啦，開咗學仲邊有咁得閒吖？席間有朋友個囡囡將於9月升K1，於是八下佢同個女準備適應開學未。估唔到佢竟然大安旨意問﹕「返幼稚園唱下遊都要提早成個月適應？」聽到Happy Mama反晒白眼。
playgroup幼園大不同 需時適應
Happy Mama同香港基督教服務處Pario教育服務的服務主任廖李耀群傾過。咪以為升幼稚園係小兒科，尤其係對一啲未返過學前班的小朋友，更應該最少早一個月左右已經要準備。有父母以為playgroup同幼稚園差唔多，所以唔使做咁多嘢，廖太就解釋﹕「playgroup時間較短，而且大多有家長在旁照顧，同幼稚園環境好唔同。所以家長就算曾安排仔女上playgroup，都唔好忽略升幼稚園的銜接。」
廖太話，一般小朋友最唔慣嘅，首先係面對陌生環境同唔習慣群體生活紀律。要增加安全感，家長可以趁呢段時間帶仔女事先去學校附近行下，熟習一下新環境。父母亦可以親子共讀一啲有關返學嘅繪本，趁機會講多啲幼稚園嘅情况畀仔女知，等佢哋做足心理準備。
調整作息時間 訓練自理能力
廖太又教路，家長可以配合幼稚園時間表分配孩子作息時間，等佢哋生理上都準備充足先開學。另外，幼稚園對孩子的自理能力要求會比學前班或playgroup高，所以父母亦係時候開始培訓孩子的自理能力，例如學習自己食點心等。廖太補充﹕「家長亦可以多啲帶子女到公園玩，等佢學習如何跟其他孩子相處，增加群體生活的經驗。」
講左咁多家長如何幫仔女適應升幼稚園，點知廖太最後提醒反而係家長本身要調整心態﹕「有啲全職媽媽以往生活重心全部放晒喺仔女身上，到佢哋日日返左幼稚園先唔習慣。所以父母都應該好好趁仲有一個月，計劃一下仔女開學後自己嘅時間表呀！」
playgroup幼園大不同 需時適應
Happy Mama同香港基督教服務處Pario教育服務的服務主任廖李耀群傾過。咪以為升幼稚園係小兒科，尤其係對一啲未返過學前班的小朋友，更應該最少早一個月左右已經要準備。有父母以為playgroup同幼稚園差唔多，所以唔使做咁多嘢，廖太就解釋﹕「playgroup時間較短，而且大多有家長在旁照顧，同幼稚園環境好唔同。所以家長就算曾安排仔女上playgroup，都唔好忽略升幼稚園的銜接。」
廖太話，一般小朋友最唔慣嘅，首先係面對陌生環境同唔習慣群體生活紀律。要增加安全感，家長可以趁呢段時間帶仔女事先去學校附近行下，熟習一下新環境。父母亦可以親子共讀一啲有關返學嘅繪本，趁機會講多啲幼稚園嘅情况畀仔女知，等佢哋做足心理準備。
調整作息時間 訓練自理能力
廖太又教路，家長可以配合幼稚園時間表分配孩子作息時間，等佢哋生理上都準備充足先開學。另外，幼稚園對孩子的自理能力要求會比學前班或playgroup高，所以父母亦係時候開始培訓孩子的自理能力，例如學習自己食點心等。廖太補充﹕「家長亦可以多啲帶子女到公園玩，等佢學習如何跟其他孩子相處，增加群體生活的經驗。」
講左咁多家長如何幫仔女適應升幼稚園，點知廖太最後提醒反而係家長本身要調整心態﹕「有啲全職媽媽以往生活重心全部放晒喺仔女身上，到佢哋日日返左幼稚園先唔習慣。所以父母都應該好好趁仲有一個月，計劃一下仔女開學後自己嘅時間表呀！」
回應 (0)
