999四成屬滋擾電話

【明報專訊】噚日警方出公告，呼籲市民唔好濫用999緊急服務中心求助熱線，而2015年首6個月就有40%屬於滋擾來電。其實，今年首6個月999緊急求助熱線總共收到1,114,819個來電，當中有668,668個（60%）來電屬於需要處理嘅求助電話，有446,151個（40%）個屬於滋擾電話或錯誤撥出。


Emily比較番2014年上半年同期公布嘅數字，發現2015年上半年嘅總來電次數下跌1.6%，滋擾或錯誤撥出嘅電話少咗約6%，需要處理嘅求助電話就多咗約11.3%。


警方發言人話，濫用緊急熱線唔止影響警方處理緊急事故嘅效率，亦可能延誤有真正需要嘅市民向警方求助，甚至令佢哋嘅生命安全受到威脅。