阿爺傳增假期促消費

【明報專訊】阿爺呢排都幾頭痕，股市差，連最新公布嘅經濟數據都唔理想，於是又有人估計阿爺可能要減息或者減存準金率去救救經濟，不過咁，呢兩招今年已經用過好幾次，尤其係對上嗰次一口氣減息兼減存準金率都冇辦法令股市止跌，似乎效果已經減弱。


鼓勵每周有兩日半假期

所以昨天有傳媒報道，今次阿爺救經濟要出奇招，就係鼓勵老百姓放有薪假，點樣放？根據官方意思，應該係鼓勵企業响夏季靈活安排工作時間，盡量令員工星期五下晝同星期六唔使返工，等佢哋每個星期有兩日半假期去安排活動，例如去下短途旅行咁，背後原因當然係希望可以促進旅遊消費啦。


大家又唔好奇怪點解放假反而可以刺激經濟而唔係降低生產力，事關過去咁多年，每到春節、五一、十一黃金周呢啲假期，國民所釋放出來嘅消費力真係厲害到嚇親人，所以阿爺今次用得呢招都唔係憑空想像㗎！

email: piano@mingpao.com

[小琴密語]