任地質保育大使 學與人溝通

【明報專訊】應屆中六畢業生陳家汶同林子喬，喺新創建集團同香港地貌岩石保育協會合辦嘅「新創建香港地貌行」做咗地質保育大使，有機會做導賞員，喺大班人面前介紹唔同岩石同地質，學吓點同人溝通。


熱愛地質嘅林子喬話佢試過帶7次導賞團，又試過喺海口考察嘅時候同中小學生交流，更同隊友研創咗「食物地理學」、「人體地理學」，幫助中小學生理解地質。陳家汶亦試過用唔同方法吸引佢哋嘅注意力，介紹岩石。


地質保育大使今年嚟到第五屆，今個月就有得報名，對象係高中學生，希望大家都可以關注吓地質、保育議題，參加者經過篩選後，就有機會參加辯論、海外考察、領袖訓練等，做吓助理導賞員，而10月又會去芝麻灣、梅窩等地方睇地質面貌。