無懼佔中 會展訪客破紀錄

【明報專訊】舊年10月發生嘅佔中行動，相信大家仲記憶猶新，佔中期間有唔少聲音話行動會嚇走遊客同商旅客，影響香港經濟。不過咁，受佔中影響最嚴重嘅金鐘灣仔，會展中心噚日公布咗截至今年6月嘅全年數據，全年訪客總數達到接近640萬人次，破晒開業27年以嚟紀錄。


去年640萬人次

會展管理公司仲特別提到，響10月同11月正值商貿展覽旺季，又碰巧係佔中時期，不過響佢哋員工及早調度安排之下，其間所舉辦嘅展覽都能夠順利舉行，令香港「亞洲展覽之都」嘅美譽冇受影響。灣仔會展全年總共舉行咗1113項活動，包括111個展覽、38個大型會議同近千個宴會、商務等等其他各類活動，當中7個展覽同12個會議，仲係首次響會展舉行。


[小琴密語]