「七警案」300日 民陣公民黨抗議

【明報專訊】舊年佔領運動期間，7名警員涉將公民黨黨員曾健超（右一）拖到添馬公園「暗角」毆打，事件已過咗300日，噚日民陣同公民黨就去咗律政司辦公室，抗議當局仍未公布係咪起訴涉嫌毆打佢嘅警員。


曾健超認為律政司以向外尋求大律師意見嘅藉口拖延，要疑犯同當事人無了期等待，對雙方並不公平，希望律政司公開交代係咪起訴涉事警員。民陣亦批評警方堅拒提供7警名單，令曾健超難以從民事程序追究。公民黨陳淑莊（右二）就話，會喺11月出席聯合國人權聽證會時，提供雨傘運動期間及其後警方濫權資料畀聯合國參考，曾健超亦會考慮出席會議。