認清騙案 一哥：最後一定攞錢

【明報專訊】警務處長盧偉聰（一哥）噚日出席少年警訊嘅禁毒活動後，話近7個月電話騙案不停上升，尤其7月騙案急升。面對日新月異、層出不窮嘅騙徒手法，一哥就教精大家點樣分真假。佢話﹕「佢（騙徒）同你講到天花龍鳳都好，最後一定係問你攞錢，叫你匯錢落戶口或要你個人資料同密碼」，一哥提醒市民到最後一步要提高警覺，「正當嘅政府機構係唔會喺電話度叫你匯錢去一個不明戶口，就算你一開頭分唔到係真定假，但無論騙徒用咩方法，最後一定會叫你攞錢。」大家係咪學到嘢呢？


政務司長林鄭月娥（中）昨日都有出席活動，仲試玩射水槍，笑到見牙唔見眼。


（李紹昌攝）