專家教寫投身投行履歷

【明報專訊】高薪光鮮嘅投行賓架優職，對正在求職路上跋涉嘅莘莘學子，無疑有着巨大吸引力。雖然沒出生「帝王家」，攀不上一個好爸爸，但都唔係無可補救。各路前輩紛紛撰稿，教人如何打造一份完美履歷表（Resume），如何喺面試中脫穎而出。

出身普通 基本功無得慳

小琴身邊亦有啲投行賓架朋友，閒來八卦，向佢哋討教入投行首要秘訣，幾乎異口同聲答曰：「有個好爸爸」，求職人背後嘅關係網，最為投行睇重。千方百計想打入中國市場嘅外資大行，對呢類人才自然是求賢若渴，太子黨、高幹子弟、富二代，係投行最想要嘅人才。

若你來自一個普通家庭，赤手空拳打天下，就要考究基本功。一份出色嘅Resume，係你入行嘅敲門磚。若有幸進入面試環節，就要做好充足準備，對行業有足夠了解，隨時準備回答類似以下嘅問題。「要對一家公司進行估值，可通過哪些途徑？」「相比發股而言，通過債券融資有何好處？」「若流動折舊帳戶（current depreciation account）中加了100元，財務報表中其他數字會有何變化？」

財經網站Investopedia最近有篇文章，詳細教人如何寫份好嘅Resume，有興趣可上以下網站睇睇：

www.investopedia.com