新聞類別
副刊
詳情#
【明報專訊】「The government quiet chick chick cut jor all four 100+ year-old tree on Bonham Road.」港式英語你可能以為只係得啖笑，但用呢種咁獨特的語言改寫新聞的facebook專頁《港語日報》成立不足一天已成功吸引1萬個like，兩星期已累積近3萬個like。唔講唔知，原來呢個專頁同一項大專院校的研究計劃有關。邊個話港式英語難登大雅之堂呀？
為「影衰香港人」平反
Happy Mama同《港語日報》創辦人之一Alfred傾過。Alfred本身係劍橋大學英文系碩士，家擔任科技大學語文教育中心英語學部講師。留學生活令佢對英國各地不同的英語表達方式產生興趣﹕「例如蘇格蘭地區有自己一套語法，可能同傳統英語文法有出入，但已經係約定俗成到被當地人接受咗。」回港後同其餘兩個朋友都希望進一步研究港式英語，所以申請咗東華學院一筆資金進行研究。為咗收集更多港人用港式英語例子，佢哋就諗到成立一個用港式英語寫成的專頁，吸引網友用港式英語留言。
好多人都睇唔起港式英語，甚至有網友留言話佢哋成立呢個專頁「影衰香港人」，但Alfred就希望為呢種語言「平反」﹕「港式英語其實係一種好成熟的語言系統，好有創造力。香港人本身就好鍾意喺日常生活中用佢交流情感，甚至係身分認同的一部分。只係我哋由細到大都習慣在課室中去學習bookish的英文，所以一直被壓抑，只會係好熟的朋友圈中先會用。」
搞笑表達方式 提升學習興趣
好多青少年都鍾意用港式英語。本身喺大學做英文講師嘅Alfred，認為家長唔需要視港式英語為洪水猛獸﹕「學習英語以學習正統英語為目標係理所當然，但都要因材施教，尤其是對一啲學習動機同能力都較弱的學生，如果下下執到正，一見佢寫港式英語就大大個交叉畫落去，只會打擊佢哋嘅學習自信。其實大部分港式英語表達方式都好搞笑，家長不妨善加利用，提升子女的學習興趣，例如見到港式英語，可以同子女一齊笑下，再同佢哋一齊思考下如果用正統英文會點講。」
Happy Mama好認同佢嘅講法，學習自信非常關鍵。我哋嘅母語係中文，學習英語無可避免一定會受到中文思維方式影響，尤其係對住一啲學習動機較弱的子女，父母與其吹毛求疵，強行要求子女字字句句都依足正統英語，不如對子女偶爾使用港式英語持開放態度啦。Relax d la, Hong Kong Pa Ma！
為「影衰香港人」平反
Happy Mama同《港語日報》創辦人之一Alfred傾過。Alfred本身係劍橋大學英文系碩士，家擔任科技大學語文教育中心英語學部講師。留學生活令佢對英國各地不同的英語表達方式產生興趣﹕「例如蘇格蘭地區有自己一套語法，可能同傳統英語文法有出入，但已經係約定俗成到被當地人接受咗。」回港後同其餘兩個朋友都希望進一步研究港式英語，所以申請咗東華學院一筆資金進行研究。為咗收集更多港人用港式英語例子，佢哋就諗到成立一個用港式英語寫成的專頁，吸引網友用港式英語留言。
好多人都睇唔起港式英語，甚至有網友留言話佢哋成立呢個專頁「影衰香港人」，但Alfred就希望為呢種語言「平反」﹕「港式英語其實係一種好成熟的語言系統，好有創造力。香港人本身就好鍾意喺日常生活中用佢交流情感，甚至係身分認同的一部分。只係我哋由細到大都習慣在課室中去學習bookish的英文，所以一直被壓抑，只會係好熟的朋友圈中先會用。」
搞笑表達方式 提升學習興趣
好多青少年都鍾意用港式英語。本身喺大學做英文講師嘅Alfred，認為家長唔需要視港式英語為洪水猛獸﹕「學習英語以學習正統英語為目標係理所當然，但都要因材施教，尤其是對一啲學習動機同能力都較弱的學生，如果下下執到正，一見佢寫港式英語就大大個交叉畫落去，只會打擊佢哋嘅學習自信。其實大部分港式英語表達方式都好搞笑，家長不妨善加利用，提升子女的學習興趣，例如見到港式英語，可以同子女一齊笑下，再同佢哋一齊思考下如果用正統英文會點講。」
Happy Mama好認同佢嘅講法，學習自信非常關鍵。我哋嘅母語係中文，學習英語無可避免一定會受到中文思維方式影響，尤其係對住一啲學習動機較弱的子女，父母與其吹毛求疵，強行要求子女字字句句都依足正統英語，不如對子女偶爾使用港式英語持開放態度啦。Relax d la, Hong Kong Pa Ma！
回應 (0)
