海關收13舉報 Slide the City涉違商品說明例

【明報專訊】一連3日喺啟德郵輪碼頭舉行嘅「Slide the City」噚日完結，有參加者唔滿意主辦單位首日喺無通知下提早「截龍」，部分人原本參與「無限次體驗」，最終只係玩到幾次，亦有人質疑滑道太短，結果有人向海關投訴。海關話至噚日收到13宗同呢個活動有關、懷疑違反《商品說明條例》嘅舉報，海關將會了解同跟進。


海關話根據《商品說明條例》，商戶若喺有關服務資料作出虛假或具誤導性達關鍵程度嘅陳述，就可能構成虛假商品說明罪行。海關會考慮個別事件嘅實際情况作出判斷，仲會考慮有關人等有無免責理由。