「適度有為」 梁錦松：應全港討論

【明報專訊】特首梁振英呢排喺經濟發展發表咗唔少意見，做過財爺嘅南豐集團行政總裁梁錦松話，自己以前喺政府講過，政府發展經濟要做「積極市場促進者」，又話經濟發展模式應該與時俱進。


阿松話，全香港可以積極傾吓政府應唔應該用「適度有為」發展經濟，但討論唔應該局限喺特首同個別政治人物，討論要社會廣泛參與。對於政府要做「積極市場促進者」，佢話香港崇尚自由市場經濟，唔代表政府喺市場無角色。香港政府要同香港定下長遠經濟定位、要準備本地基建同埋人才培訓、喺人才同知識流通嘅環境開拓市場等。


籲政府做「積極市場促進者」

噚日阿松除咗評論香港政府喺經濟發展嘅角色，身兼小母牛香港主席嘅佢仲主持「小母牛MooMoo小夥伴計劃啟動禮」。呢個機構目標係透過送牲口，幫內地貧農自力更生，教參與計劃嘅香港小朋友關愛世界。阿松致辭嗰陣話家嘅細路仔，相對較難培養自理和抗逆能力。


同場嘉賓食物及衛生局長高永文喺啟動禮開始之前，主動行近小朋友傾偈，又上台玩遊戲，十分投入。